فه‌رهاد ئه‌مین ئه‌ترۆشى، پارێزگارێ دهۆكێ، پشتى سه‌ره‌دانا تاخێن گوندێ (قه‌سارا) ل سنورێ باژێرێ دهۆكێ كرى، بریارا وێ چه‌ندێ دا هژماره‌كا (جاده‌یان و پرۆژێن كێشانا بوریێن ئاڤێ) بۆ سه‌رانسه‌رى وان تاخان بهێته‌ كێشان.

فه‌رهاد ئه‌مین ئه‌ترۆشى، پارێزگارێ دهۆكێ دگه‌ل چه‌ند رێڤه‌به‌رێن میرى كۆم بوو ل دۆر وێ چه‌ندێ كو ده‌مه‌كێ نێزیك جادا سه‌ره‌كى یا گوندێ قه‌سارا و جادێن ناڤخۆ یێن گوندى و كێشانا ئاڤێ ل گوندێ ناڤبرى بهێته‌ چاره‌كرن.

هه‌ژى گوتنێ یه‌ گوندێ قه‌سارا دكه‌ڤیته‌ ته‌نشتا سه‌نته‌رێ باژێرێ دهوكێ ڤه‌ و نێزیكى كۆمه‌لگه‌ها ئازادى یه‌ و هژماره‌كا به‌رفره‌ه یا خه‌لكى لێ دژین. به‌رى نها چه‌ند جاده‌ لێ هاتبوونه‌ دروست كرن لێ ژبه‌ر لاوازیا وان جاده‌یان و خرابوونا وان و نه‌بوونا پرۆژێن ئاڤێ خه‌لكێ وى گوندى گازندا خۆ گه‌هانده‌ پارێزگارێ دهۆكێ. پارێزگارى دگه‌ل سه‌رۆكاتیا باژێرڤانیا دهۆكێ هه‌ماهه‌نگى كریه‌ ده‌مه‌كێ نێزیك ئه‌و هه‌مووجاده‌یه‌ بهێنه‌ قێركرن و نوژه‌نكرن تا كو ژیانا خه‌لكێ به‌ره‌ڤ باشتربوونێ ڤه‌ بچیت.










باسنيوز