بەڕێوەبەرایەتیی ڕەگەزنامە و باری شارستانیی سلێمانی، لە ئاگادارییەکدا کە ئاڕاستەی ھاووڵاتییانی کردووە، ڕای دەگەیەنێت کە بەکارھێنانی لێنزی چاو (عەدەسەی چاو) لە کاتی دەرھێنانی کارتی نیشتمانی قەدەغەیە.

بەڕێوەبەرایەتیی ڕەگەزنامە و باری شارستانیی سلێمانی لە ئاگادارییەکەیدا ڕای گەیاندووە: "بەکارھێنانی عەدەسەی چاو لەکاتی دەرھێنانی کارتی نیشتمانیدا قەدەغەیە و داوا لە ھاووڵاتییان دەکەین، لەکاتی سەردانکردنیان بە مەبەستی دەرھێنانی کارتی نیشتمانی، بەکاری نەھێنن".

ھەر لە ئاگادارییەکەدا ھاتووە، ئامێرەکانی تایبەت بە ڕیکۆردکردنی چاو ناتوانن ئەنجامی ئەو چاوانە بدۆزنەوە، کە عەدەسەیان بۆ بەکار دەھێنرێت و بەوھۆیەوە ناچێتە سیستەمەکەوە، "بۆیە بەکارھێنانی عەدەسە بە ھەموو شێوەیەک قەدەغەیە".








باسنيوز