قائیمقامێ قه‌زا شنگالێ راگه‌هاند، ئه‌ڤرۆ رۆژا سێشه‌مبى گه‌نجه‌كێ كوردێ ئێزدى سه‌ره‌دانا مالا خوه‌ ل شنگال دكه‌ت و مالا وى د ته‌قیت و گیانێ خوه‌ ژ ده‌ست دده‌ت.

مه‌حما خه‌لیل، قائیمقامێ قه‌زا شنگالێ دیار كر، کو ئه‌ڤرۆ رۆژا سێشه‌مبى 10/7/2018 گه‌نجه‌كێ ئاواره‌ ل دهۆكێ یێ كوردێ ئێزدى سه‌ره‌دانا شنگال دكه‌ت و دچیته‌ مالا خوه‌ ل ناحیا گرعزێر، به‌لێ پشتى گه‌هشتنا مالا خوه‌، خانیێ وى پێڤه‌ د ته‌قیت و ئێكسه‌ر گیانێ خوه‌ ژ ده‌ست دده‌ت و گۆت: خانیێ وى ل سه‌ر ده‌ستێن تیرۆرستێن داعش هاتبوو بۆمبه‌رێژكرن و هه‌تا نها نه‌هاتبوو پاقژكرن.

ئاشكرا ژى كر، كو ئه‌ڤ گه‌نجه‌ ته‌مه‌ن 27 ساله‌ و ئاكنجیێ ناحیا گرعزێره‌ و ئه‌ڤه‌ ژى ئاواره‌بوونا وى ل سالا 2014 و هه‌تا نها وى سه‌ره‌دانا مالا خوه‌ ل شنگال نه‌كربوو و ئه‌ڤه‌ ئێكه‌م جار بوو و ڤێ جارێ ژى گیانێ خوه‌ كره‌ قوربانى.










باسنيوز