هاریكارێ رێڤه‌به‌رێ نه‌خوشخانا چاڤان ل دهۆكێ، دیار كر، کو ل سه‌ر بودجا رێڤه‌به‌ریا گشتى یا ساخله‌میا پارێزگه‌ها دهۆكێ، ئامیره‌كێ ساخله‌میێ گه‌هشته‌ دهوكێ كو د دیروكێ دا بو ئێكه‌م جاره‌ ل سه‌ر ئاستێ كوردستان و عیراقێ ئه‌ڤ ئامیره‌ دهێته‌ بكار ئینان



د.هه‌ڤال محه‌مه‌د، هاریكارێ رێڤه‌به‌رێ نه‌خوشخانا چاڤان ل دهۆكێ گوت ژى: ”ئه‌ڤ ئامیره‌ یێ تایبه‌ته‌ ب (پشكنینا چاڤێن زاروكان) ڤه‌ و به‌رى نوكه‌ هه‌ر جاره‌كا چاڤێن زاروكان هاتبانه‌ پشكنین كرن ڤیابا ژ لایێ نوژداران ڤه‌ (په‌نج ئانكو ده‌رمانێ بێ هوشكرنێ) بو زاروكى هاتبا دانان تا كو نوژدار شیابا پشكنینێ بو زاروكى بكه‌ت چونكه‌ زاروك زوى ب زوى رازى نابن نوژدار پشكنینێ بو بكه‌ت و د ترسن و د له‌رزن له‌ورا مه‌ داخازا ئه‌ڤى ئامیرى ژ رێڤه‌به‌ریا گشتى یا ساخله‌میا پارێزگه‌ها دهوكێ كربو و دلخوشى ڤه‌ ئه‌و ئامیره‌ ژ وه‌لاتێ ئه‌لمانیا بو مه‌ هاتیه‌ كرن و بو مه‌ ل نه‌خوشخانا چاڤان هاته‌ دابین كرن“.



ناڤبرى نه‌ڤه‌شارت، کو ئه‌ڤ ئامیره‌ دێ ده‌ستێ نوژدارى دا بیت و نوژدار ب چه‌ند مه‌تره‌كان دێ ژ زاروكى دویر بیت و ئه‌و ئامیره‌ پشكنینێ بو زاروكێ دكه‌ت و گوت ژى: دناڤ وى ئامیرى دا ده‌نگێ (گیانه‌وه‌ر و زاروكان) دهێت له‌ورا زاروك ب وى ئامیرى ڤه‌ مژویل دبیت و ته‌ماشه‌ى ئامیرى دكه‌ت و نوژدار ب ڤى ره‌نگى پشكنینێ بو هه‌ردو چاڤێن زاروكى دكه‌ت و د پلان دایه‌ چه‌ندین كارێن باشتر ئه‌م بو خه‌لكێ خو بكه‌ن و ئه‌م یێن چاڤه‌رێ چه‌ندین ئامیرین باشتر بگه‌هنه‌ ده‌ستێ مه‌.
bas news-