نەتەوە یەکگرتووەکان چەند ئامارێک لەبارەی کوردستان و عێراق بڵاو دەکاتەوە
بەپێی پێشبینییەک، کە لە ئامارەکاندا بڵاوکراوەتەوە، UNDP پێی وایە لە ساڵی 2030 ژمارەی دانیشتووانی عێراق و هەرێمی کوردستان دەگاتە نزیکەی 50 ملیۆن کەس.
ئەو ئامارانەی UNDP لەبارەی عێراق و هەرێمی کوردستان بڵاوی کردووەتەوە؛
- %71ـی دانیشتووان لەشارەکان دەژین و %29 شیان لە گوندەکاندا دەژین.
- %59ـی دانیشتووان لەژێر تەمەنی 19 ساڵیدان.
- %78ـی هاووڵاتییان تەکنۆلۆجیا بەکار دەهێنن و %12شیان کۆمپیوتەری تایبەتی خۆیان هەیە.
- %13ـی هاووڵاتییان بەرتیل بۆ جێبەجێکردنی مامەڵە حکوومییەکانیان دەدەن.
- %11ـی هاووڵاتییان بێ کارن (دەرچووانی زانکۆ بەنموونە وەرگیراون).
- حەوت ملیۆن و 900 ھەزار کەس مووچەخۆرن، کە رێژەی %72یان، پیاون.
- رێژەی بێکاری لەنێو کچانی گەنجی تەمەن (15-25 ساڵ) دەگاتە %18 و لەنێو کوڕانی گەنجی تەمەن (15-25 ساڵ)یش دەگاتە %17.
باسنيوز
