سەرۆکێ بەرێ یێ جڤاتا نیشتیمانیا سوریێ راگەهاند، لایەنێن سیاسى یێن دناڤ عەفرینێ دا دئێکگرتى نینن و رەوشا سوریێ بڤى ئاوایى بمینیت دێ عفرین کەفتە لژێر چاڤدێریا وەلاتێ تورکیا، دهەمان دەمدا سەرۆک (مەسعوود بارزانى) بوویە ئەگەر شەرێ براکۆژیێ روونەدەت.



د.عەبدولباست سیدا، سەرۆکێ بەرێ یێ جڤاتا نیشتیمانیا سوریێ و چاڤدێرێ سیاسى بۆ مالپەرێ فەرمیێ پارتى دیموکراتى کوردستان گۆت:" سیاسەتا ل سوریێ ژبۆ گهورینا دیموگرافیا کوردى یە ل دەڤەرێ، کۆ بەرى نوکە ملیون کورد ل دەڤەرێن کوردستانى دژیان و نوکە بەهرا پتر ئاوارا بووینە، ئەڤ چەندە روودا پشتى سالا 2004ێ، دەمێ پرسا کوردى ل سوریا سەرهلدایى و بوویە ژیوارەکێ هەرێمایەتى".

پشتى سالا 2011ێ، لدەمێ دەسپێکرنا شۆرەشا سوریایێ رەوشا ڤى وەلاتى تێکچوویە و تا نوکە ژلایێ وەلاتێن زێلهێز ڤە چەندین هەول و ڤشارێن بهێز هاتینەکرن بۆ ئارامکرنا رەوشا وێ دەڤەرێ، بەلێ نەگەهشتینە چ رێکەفتنان، کۆ سوریا بوویە گورەپانا شەر و ناکوکیێن وەلاتێن دیتر .

دکتورى بەحسکر، زۆلمەکا مەزن ل خەلکێ کورد ل سوریێ هاتیەکرن وەک دبێژن (جەوساندنا دوو ئالى) کۆ نە مافێ کوردان یێن کەلتورى و ئیدارى ددەنێ، نەک مافێ خواندنێ و جوکرافى کۆ ئەردە کوردان ب توندى ژێ ستاندى یە.

سەرۆکێ بەرێ یێ جڤاتا نیشتیمانیا سوریى ئاماژەدا:" نوکە چ وەلات نەمایە ب ناڤێ سوریا، بەلکو بوویە سوریا و کوردستانا رۆژئاڤا، کۆ کورد چ دخوازن و سوریا چ دخوازیت، یا کورد دخوازن ئیدارەکا هەڤپشک هەبیت هەمى پێکهاتە پێکڤە وەلاتێ سوریا پرێڤە ببەن و ئیدى ئەردێ و ناسنامە و جهێن کوردا لێ ڤەگەرینن، ئەڤ چەندە ژى دڤێت سوریا دستورەک هەبیت مافێن هەولاتێن کورد و هەمى پێکهاتەیێن سورى دناڤدا ب پارێزیت".

چاڤدێرێ سیاسى زەلالکر:" هەمى جورێن تراجیدیایێ ئینانە سەرێ مللەتێ کورد ل سوریا، و تورک و ئیرانێ چ بوو نە کوردان کر، دیسان کورد بخو لوێرێ د ئێکگرتى نینن و ئەگەر سەرۆکێ پارتى دیموکراتى کوردستان (مەسعوود بارزانى) نەبایە، دا شەرێ براکوژیێ روودەت، هەروەسا ئیرانێ هێزەک و رۆلەکێ مەزن ل سۆریێ هەیە و چ زیان نە گەهاندیە ئەمریکا و روسیا بەلکو خەلکێ سڤێلێ کورد یێ دئێتە شەهیدکرن".

دەربارەیى رەوشا عەفرینى د.عەبدولباست خویاکر:" تا نوکە عفرین پارچەیەک ژ ئاخا سوریێ و پارچەکا مەزنە ژکوردستانا رۆژئاڤا، بەلێ ئەو لایەنێن سیاسى یێن ناڤ عەفرین دئێکگرتى نینن و رەوشا سوریێ بڤى ئاوایى بمینیت دێ عفرین کەفتە لژێر چاڤدێریا وەلاتێ تورکیا".

ئەڤرۆ بۆ هەمان مەبەست، زانکۆیا زاخۆ سمینارەک بۆ د.عەبدولباست سیدا، سەرۆکێ بەرێ یێ جڤاتا نیشتیمانیا سوریێ و چاڤدێرێ سیاسى رێکخستن بوو ب پشکداریا کومەکا قۆتابى و مامۆستایێن زانکۆیێ و چەندین سیاسیێن دەڤەرێ.
kdp-