پشتی سەرهەلدانا وان ل چەندین نافچەییێن ئیراقی پسپۆرەکی بیاڤێ لەشکەری ددەتە خویاکرن، نها داعش گەفە بۆ سەر تەڤاهیا ئیراقێ و پێدڤیە ب زوویترین دەم پێشمەرگە ڤەگەریتە نافچەیێن کوردستانی.

د چەند ڕۆژێن بۆری دا ل چەندین نافچەیێن پارێزگەها کەرکووکێ داعش سەرهەلدایە و چەندین شەر و پەفچوون دناڤبەرا وان و هێزێن ئیراقی ڕووداینە، د ڤی بیاڤی دا بابەکر زێباری، بەرپرسێ میحوەرێ رۆژئاڤایی دیجلە و سەرئەرکانێ بەرێ یێ ئارتێشا ئیراقێ بۆ ماڵپەرێ فەرمیی یێ پارتی دیموکراتی کوردستان گۆت:'' ل نافچەیێن ئیراقێ داعش د خۆ رێکخستنێ دایە و دێ بیتە گەف بۆ سەر ئیمناهیا نەتەوەیی یا ئیراقێ، هەتا کو پێشمەرگە نەڤەگەڕیت گرەنتیا ئیمناهی دروست نابیت.

ئەو یەکە ژی گۆت:'' ئەو جهێن ئارتێشا ئیراقێ لێ، ڤالاهیا ئیمناهیەکا مەزن هەیە، و گەرەکە پێشمەرگە ڤەگەریتە نافچەیێن کوردستانی بەری کو داعش ل وان نافچەیان خۆ رێک بێخیت.

زێباری هێشتا زەلالکر، ئارتیشا ئیراقێ هزر د نەمانا داعشێ دا ناکەت و هەیا نها ئەو هێزێن ل وان نافچەیان بتنێ کارێ بازڕگانیکرنێ دکەن، و داعش ب دلێ خۆ هاتنووچۆنێ دکەن .

پێشمەرگە ئەو هێزەیە یا کو ناڤدار ب ژناڤبرنا داعش و و بوویە سەمبووڵا قەهرەمانی و خۆراگرییێ و وەک نووینەرا جیهانێ ل دژی داعش شەڕ دکر و زێدەتر ژ هەزار شەهیدا دان هەتا کو شیا وێ ڕێکخراوێ ژناڤ ببەت.
kdp-