فه‌رمانده‌ى پرۆسه‌ تایبه‌ته‌كان له‌ كه‌ركووك، ڕای گه‌یاند، باندێكی دزیكردنیان به‌ جلوبه‌رى سه‌ربازییه‌وه‌ له‌ناو شارى كه‌ركووك، ده‌ستگیر كرد.



لیوا ڕوكن مه‌عن سه‌عدی، فه‌رمانده‌ى ئۆپه‌راسیۆنه‌ تایبه‌ته‌كان له‌ كه‌ركووك، له‌ به‌یاننامه‌یه‌كدا ڕای گه‌یاند: "دواى به‌ده‌ستگه‌یشتنى زانیاریی هه‌واڵگریی، توانیمان باندێكی دزیكردن كه‌ له‌ چوار كه‌س پێكهاتبوون، ده‌ستگیر بكه‌ین".



ئاماژه‌ى به‌وه‌شدا، كه‌ تۆمه‌تباره‌كان جلى سه‌ربازییان له‌به‌ردا بووه‌ و چه‌كى سووكیشیان پێووه‌ و له‌ كاتژمێر 3:00ى به‌ره‌به‌یان له‌ناوچه‌ى زه‌ورا له‌ناوه‌ڕاستى شارى كه‌ركووك، ده‌ستگیر كران.


دواى داگیركردنى كه‌ركووك له‌ 16ى ئۆكتۆبه‌رى 2017، تائێستا دۆخى ئه‌منى ئه‌و شاره‌ ناسه‌قامگیره‌ و به‌م دواییانه‌ش، به‌هۆى هێرشه‌كانى داعشه‌وه‌، خێزانه‌ كورده‌كان گونده‌كانى خۆیان له‌ كه‌ركووك، جێده‌هێڵن.
bas news-