سه‌رۆكێ لیژنا سۆته‌مه‌نى و پیشه‌سازى ل جڤاتا پارێزگه‌ها دهۆكێ، راگه‌هاند، حكوومه‌تا عیراقێ ملیۆن لیترێن پانزینێ بۆ پارێزگه‌ها دهۆكێ دابینكرینه‌ و ئه‌ڤ پانزینه‌ دێ ل چوار پانزینخانان هێته‌ فرۆتن.



عه‌بدولسه‌مه‌د تێلى، سه‌رۆكێ لیژنا سۆته‌مه‌نى و پیشه‌سازى ل جڤاتا پارێزگه‌ها دهۆكێ، دیار كر، جاره‌كا دى ل پارێزگه‌ها دهۆكێ دێ ده‌ست ب دابه‌شكرنا پانزینا حكوومى هێته‌ كرن و ل چوار پانزینخانان دێ لیترا پانزینێ ب 640 دیناران هێته‌ دابه‌شكرن ب ناڤێ پانزینا حكوومى و ئه‌ڤ پانزینه‌ دێ ل سه‌ر هه‌موو جۆرێن ترۆمبێلان هێته‌ دابه‌شكرن و گۆت: حكوومه‌تا عیراقێ ملیۆن لیترێن پانزینێ بۆ ڤێ مه‌ره‌مێ وه‌كو قۆناغا ئێكێ بۆ دهۆكێ ته‌رخانكرینه‌ و هه‌موو ئاماده‌كارى بۆ دابه‌شكرنا پانزینێ ل هه‌ر چوار پانزینخانان هاتینه‌ كرن.



ئاشكرا ژى كر، ئه‌ڤ ئه‌ڤرۆ رۆژا دووشه‌مبى بۆ ئێكه‌م جار پانزین دێ ل هه‌ر چوار پانزینخانێن (دهۆك سپۆرت و مه‌تین2) ل دهۆكێ و پانزینخانا (سیپه‌) ل ئاكرێ و پانزینخانا (پڕا زێرین) ل زاخۆ ده‌ست ب دابه‌شكرنا پانزینێ هاتیه‌ كرن ل ده‌ستپێكێ پانزین ب تنێ دێ بۆ ته‌كسیان و پاس و مینى پاسان بیت).



سه‌رۆكێ لیژنا سۆته‌مه‌نى و پیشه‌سازى ل جڤاتا پارێزگه‌ها دهۆكێ ئاماژه‌ ب وێ یه‌كێ كر، بۆهایێ ئێك لیترا پانزینێ دێ ب 640 دیناران بیت و جۆرێ وێ ژى پانزینا نۆرماله‌.
bas news-