ژبه‌رنه‌بوونا چو بازاره‌كێ كرین و فرۆتنا هوریا په‌زی، خودان په‌زه‌كێ ده‌ڤه‌را ئاكرێ پشتى برینێ دێ هوریا په‌زێ خوه‌ هاڤێژیت.



میرحاج ئیدریس، خودان په‌زه‌كێ ده‌ڤه‌را ئاكرێ یه‌ راگه‌هاند: ”ئه‌ڤساله‌ په‌زێ مه‌ هوریه‌كا باش پێڤه‌ هه‌بوو به‌لێ ژبه‌ر نه‌بوونا چو بازارێن فرۆتنا به‌رهه‌مێ هوریێ نه‌چارین بهاڤێژین. دۆرێ 600 سه‌رێ مه‌را مه‌ هه‌یه‌، هه‌ر مه‌ره‌كێ نزیك پێنچ كیلویا هورى پێڤه‌یه‌. نزیك دوو هزار كیلویێن هوریێ ئه‌ڤساله‌ دێ هه‌بیت و كو هوریه‌كا باش و نه‌رمه‌ به‌لێ ژبه‌ر نه‌بوونا بازارێ كرین و فرۆتنێ نه‌چارین بهاڤێژین“.



ناڤبرى گۆتژى: ”ئه‌گه‌ر حكومه‌ت هاریكاریا مه ‌نه‌كه‌ت دێ زیانێن مه‌زن ب مه‌رداریا مه‌كه‌ڤیت. به‌رى نۆكه‌ هورى دهاته‌ فرۆتن تایبه‌ت بۆ مووسل كوكارگه‌هه‌كێ وه‌ردگرت، به‌لێ پشتى هاتنا داعش و وێرانكرنا مووسل ئه‌و كارگه‌ه نه‌مایه‌و بازارێ كرین و فرۆتنا هوریێ ژى نه‌مایه‌. نۆكه‌ هه‌ر مه‌رداره‌كێ هوریا مه‌رێن خوه‌ ببریت دڤێت بهاڤێژیت و كه‌س ناكریت. ئه‌ڤه‌ ئاریشا هه‌موو خودان مه‌رێن ده‌ڤه‌رێ یه‌. هنده‌ك جارا رێژه‌كا كێم ل ناڤخۆیا كوردستانێ دهێته‌ فرۆتن به‌لێ ل دیڤ حه‌زا مه‌رداران نینه‌“.
bas news-