حکومەتی هەرێمی کوردستان لەبارەی پرۆژەیاسای بودجەی 2017ی عێراق رایدەگەیێندێت "داواکارە چاوخشاندنەوە بکرێت بەم دەقانەدا و داواکارییەکانی هەرێم و کوتلە کوردستانییەکان جێگیر بکرێت، بە پێچەوانەوە هەرێم ناچاری جێبەجێکردنی نابێت".

دەقی رای حکومەتی هەرێمی کوردستان لەبارەی پرۆژە یاسای بودجەی 2017

لەگەڵ پێزانینی زۆرمان بۆ هەوڵەکانی فراکسیۆنە کوردستانییەکان، ئەم دەقەی کە پێمان گەیشتووە و ئامادەکراوە بۆ دەنگدان ڕەچاوی پێشنیارەکانی پڕۆژەکەی هەرێمی کوردستانی تیادا نەکراوە، و تەواوی داواکارییەکانی کوتلە کوردستانییەکانی تیادا جێگە نەکراوەتەوە، بۆیە حکومەتی هەرێم داواکارە کە چاوخشاندنەوە بکرێت بەم دەقانەدا و داواکارییەکانی هەرێم و کوتلە کوردستانییەکان جێگیر بکرێت، بە پێچەوانەوە هەرێم ناچاری جێبەجێکردنی نابێت، بۆیە پێشنیارمان بۆ کوتلە کوردستانییەکان قبوڵنەکردنی ئەم دەقانەیە کە ئامادەکراوە بۆ دەنگدان، لە هەمان کاتدا داوای چرکردنەوەی هەوڵەکانتان دەکەین لەم بارەیەوە.
حکومەتی هەرێمی کوردستان
RUDAW -