ئەندامێکی سەرکردایەتیی ئەنجومەنی نیشتمانی کورد لە سوریا (ئەنەکەسە)، ئاماژە بۆ ئەوە دەکات کە بە فەرمانی ڕژێمی سووریا داوا لە پارتی یەکێتیی دیموکراتی (پەیەدە) کراوە، سەرجەم نوێنەرایەتییەکانیان لە ڕۆژئاوا دابخەن و فشاری سەربازیمان لە دژ دروست بکەن.

نووری بریمۆ، ئەندامی سەرکردایەتیی ئەنجومەنی نیشتمانی کورد لە سوریا (ئەنەکەسە)، ڕایگەیاند: "ھەڵمەتێکی فراوان لە دژی ئەنەکەسە و ھێزە سیاسییەکانی ڕۆژئاوای کوردستان بەردەوامی ھەیە، ئەم ھەڵمەتە خۆی لە سووتانی ئاڵای کوردستان، داخستنی بارەگاکانمان و دەستگیرکردنی ئەندامانمان دەبینێتەوە، کە سەرجەمیان فشاری حکوومەتی سووریا و پارتی کرێکارانی کوردستانن لەسەر پەیەدە، بۆ ئەوەی لە دژی ئێمە بکرێت".

ئەو ئەندامەی ئەنەکەسە، گوتیشی: "دوێنێ لە قامشلۆ سەدان ئاڵای ڕژێمی سووریا لەسەر بارەگا حزب و حکوومیەکانی شارەکە ھەڵدراوە، کەچی ئاڵای کوردستان سوتێنراوە، تێناگەین بۆ ئاڵای کوردستان ڕێگاپێدراو نییە، ئاڵای سووریا بە ئازادانە ھەڵدەکرێت و ئاڵای کوردستانیش دەسوتێنرێت".













باسنيوز