سه‌ردار قادر جێگرى پارێزگارى سلێمانی ئاماژەی بەو ڕەخنانە کرد کە لەسەر ئەوان دەگیرێت، بەوەی لەژێر دەسەڵاتی پارێزگارێکی گۆڕاندا هێرش کراوەتە سەر خۆپیشاندەران.

لەبەرانبەر ئەو رەخنانەی لە بزووتنەوەی گۆڕان دەگیرێت کە چۆن دەکرێت پارێزگاری سلێمانی و سەرۆکی لێژنەی ئەمنیی پارێزگاکە لەسەر پشکی گۆڕانە، کەچی هێزە ئەمنییەکانی سلێمانی بە هێز هێرش دەکەنە سەر مامۆستایانی ناڕازی؟ سەردار قادر، لە بری پارێزگارى سلێمانی، ڕایگەیاند: “ئێمە نیگەرانین لەو ڕووداوە و هەڵوێستمان هەبووە، وه‌ك سه‌رۆكی لیژنه‌ی ئه‌منیی پارێزگای سلێمانی داوای كۆبوونه‌وه‌ی به‌په‌له‌ی لێژنه‌ی ئه‌منیی پارێزگاکەمان ده‌كه‌ین، ناشکرێت ئەوە دووبارە ببێتەوە”.

ئەوەشی ڕوون کردەوە: "کاتی خۆی ڕام گەیاند کە داوا له‌ هاووڵاتییان و خۆپیشانده‌ران و هێزه‌ ئه‌منییه‌كان ده‌كه‌ین، هێمنی و ئاساییشی پارێزگای سلێمانی و ژیانی ئاسایی شاری سلێمانی بپارێزن، داواشم له‌ لایه‌نه‌ ئه‌منییه‌كان کردووە، به‌په‌له‌ سه‌رجه‌م ده‌ستگیر كراوان ئازاد بكه‌ن، بۆیە دەبێت بۆ هەر حاڵەتێکی لەو شێوەیە، پێشووتر هەماهەنگی و ئاگاداری لەنێوان ئێمە و هەموولایەنە ئەمنییەکاندا هەبێت".













باسنیوز