نونه‌رێ كوردێن شه‌به‌ك ل جڤاتا نونه‌رێن عیراقێ، دیاركر ب هیچ شیوه‌یه‌كێ ئه‌م قه‌بیل ناكه‌ن به‌غدا كوردێن شه‌به‌ك ژ هه‌رێما كوردستانێ جۆدا بكه‌ت، ل ده‌ڤ كوردێن شه‌به‌ك مادى 140 دووماهیى هاتیه‌، نوكه‌ ده‌ڤه‌رێن شه‌به‌كان پشكه‌كن سه‌ر هه‌رێما كوردستانێ نه‌.



سالم جومعه‌، نونه‌رێ كوردێن شه‌به‌ك ل جڤاتا نونه‌رێن عیراقێ، بۆ (باسنیوز) دیاركر: "شه‌به‌ك كوردن پێدڤیه‌ ناكه‌ت به‌غدا پرۆژه‌ و پلانا دژى شه‌به‌ك داریژت، هه‌ر پرۆژه‌كێ ل به‌غدا دژى شه‌به‌ك بهێته‌ دانان دێ هه‌موو شیوه‌یان دژى وى پرۆژه‌ راوه‌ستن چونكو شه‌به‌ك كورد نوكه‌ پشكه‌كن سه‌ر هه‌رێما كوردستانێ ڤه‌ ئه‌م كار دكه‌ین ده‌شتا مووسلێ، بیته‌ پارێزگه‌ها بۆ هه‌موو پێكهاتێن ده‌ڤه‌رى ب هیچ شیوه‌یه‌كى ئه‌م رازى نابن سه‌ر به‌غدا ڤه‌ بمینن نوكه‌ شه‌به‌ك داخوازى دكه‌ن پاراستنا ده‌ڤه‌رێن وان ده‌ستێ پێشمه‌رگه‌ى كوردستانێ دا بیت".



خۆیا ژى كر: "هه‌ژمارا كوردێن شه‌به‌ك دگه‌هته‌ 450 هزار كه‌سان پتریا وان ل ده‌ڤه‌را به‌رتلله‌ و تلكیفێ ئاكنجیى نه‌ و پتر ژ 50 گۆندێن كوردێن شه‌به‌ك ل ده‌شتا مووسلێ هه‌نه‌ ل ساله‌ 2003ێ هه‌تا نوكه‌ 1382 كوردێن شه‌به‌ك هاتینه‌ شه‌هیدكرن".

گۆتژى: "ژ نوكه‌ و پێڤه‌ جاره‌كا دێ ده‌ڤه‌رێن كوردێن شه‌به‌ك سه‌ر ب مووسلێ ڤه‌ نابن پێدڤیه‌ ل ده‌شتا مووسلێ پاریزگه‌هه‌ك نوو بهێته‌ دروستكرن سه‌ر كوردستانێ ڤه‌ بیت پاراستنا وێ پارێزگه‌ها نوو ده‌شتا مووسلێ دێ ده‌ستێ پێشمه‌رگه‌ى كوردستانێ دا بیت".
BAS NEWS-