پۆلیسی كۆیە لە بەندیخانەی شارەكە دەستی گرت بەسەر ژمارەیەك كەلوپەلی قەدەغە كە پێدەچێت بۆ هەڵاتن ئامادەیان كردبێت.



شۆڕش كاكە، بەڕێوەبەری پۆلیسی قەزای كۆیە لە لێدوانێكدا بە (باسنیوز)ی ڕاگەیاند: "دوای كۆكردنەوەی زانیاری و لە هەڵمەتێكی پشكنینیی بەندیخانەی كۆیە، دەستمان گرت بەسەر چەند كەلوپەل و كاڵایەكی قەدەغە لەوانە: (مووس، مشاری ئاسنبڕ - سیم كارت - پاتری شەحنی موبایل، حەپی نایاسایی، وایەرشەحن) كە لەناو دیوار و ناو دەرگا و ژێر كاشیدا شاردبوویانەوە".



گوتیشی "هەموو ئەو كەلوپەل و كاڵایانە بەپێی‌ یاسا قەدەغەن و گۆمانیش دەكرێت بۆ هەڵاتن، یان حاڵەتەكانی تر ئامادەیان كردبێـت."



هێمای بۆ ئەوەش كرد "هەوڵەكانمان بۆ چاودێریی بەندیخانەكە چڕتر كردووەتەوە و رێكاری یاسایی بەرانبەر ئەو بەندیانە دەگیردرێتەبەر كە ئەو شتانەیان پێوە دەگیردرێت."
BAS NEWS-