له‌ راگه‌یه‌ندراوێكدا، لیستی مامۆستایانی هاوبه‌ش، پشتیوانی خۆیان بۆ داواكانی مامۆستایان دووپاتده‌كاته‌وه‌ و هه‌ڵكوتانه‌ سه‌ر ماڵی مامۆستایان و ده‌ستگیركردنیشیان مه‌حكوم ده‌كات.

ئه‌و لیسته‌ له‌ راگه‌یه‌ندراوه‌كه‌دا، ئاماژه‌ به‌وه‌ش ده‌كات، گوشاره‌كان بۆ سه‌ر مامۆستایان و رێكخه‌ری خۆپیشاندانه‌كان چڕكراوه‌ته‌وه‌ و "دوور له‌ هه‌موو به‌هایه‌كی مرۆڤایه‌تی" هه‌ڵده‌كوترێته‌ سه‌ر ماڵه‌كانییان و ده‌ستگیر ده‌كرێن.

له‌ باره‌ی ده‌ستپێكردنه‌وه‌ی ده‌وام و شكاندنی بایكۆتی مامۆستایان، له‌ راگه‌یه‌ندراوه‌كه‌دا هاتووه‌: "ئێمه‌ رێز له‌ ئیراده‌ری مامۆستایان ده‌گرین و هه‌ر بڕیارێك بده‌ن پشتیوانیانین".

هه‌روه‌ها تێیدا هاتووه‌: "به‌ فشار و توند و تیژی ده‌رگاكان ناكرێنه‌وه‌ به‌ڵكو تاكه‌ كلیلی كردنه‌وه‌ی ده‌رگاكان باشتركردنی ژیان و گوزه‌رانی مامۆستایان له‌م بارودۆخه‌ی ئێستا تێیدایه‌تی".
k24 -