نێرده‌ى نه‌ته‌وه‌ یه‌كگرتووه‌كان لاى عێراق، ئه‌مڕۆ (پێنجشه‌مه‌ 1ى كانوونى یه‌كه‌مى 2016) ڕایگه‌یاند، هێزه‌ عێراقییه‌كان له‌ مانگى ڕابردوودا به‌تایبه‌ت له‌ شه‌ڕى ڕزگاركردنى مووسڵ، دوو هه‌زار سه‌ربازى له‌ده‌ست داوه‌.





به‌پێی ئاماره‌ ڕاگه‌یه‌ندراوه‌كان كه‌ له‌لایه‌ن نێرده‌كه‌وه‌ ئاشكرا كراوه‌، 1959 ئه‌ندامى هێزه‌ ئه‌منییه‌كانى عێراق، ته‌نها له‌ مانگى ڕابردوودا، كوژراون.



نێرده‌ى نه‌ته‌وه‌ یه‌كگرتووه‌كان لاى عێراق، ئه‌وه‌شى خسته‌ڕوو، كه‌ زۆرینه‌ى ئه‌و كوژاراوانه‌ له‌شه‌ڕى ڕزگاركردنى مووسڵ، كوژراون، كه‌ هاوكات سوپای عێراق 450 بریندایشى له‌و مانگه‌دا، داوه‌.

له‌ 17ى مانگى تشرینی یه‌كه‌مى ڕابردووا/ ئه‌كتۆبه‌ر، ئۆپه‌راسیۆنه‌كانى ڕزگاركردنى مووسڵ له‌لایه‌ن هێزه‌كانى پێشمه‌رگه‌ و هێزه‌ عێراقییه‌كان به‌هاوكارى هێزه‌كانى هاوپه‌یمانى نێوده‌وڵه‌تى، ده‌ستی پێكرد و تائێستاش به‌رده‌وامه‌.
bas news -