ئێوارەی ئەمڕۆ "جۆ بایدن" جێگری سەرۆکی ئەمەریکا لەڕێگەی تەلەفۆنەوە پەیوەندی بە "مەسعود بارزانی" سەرۆکی ھەرێمی کوردستان کرد.



لەو پەیوەندییە تەلەفۆنییەدا جێگری سەرۆکی ئەمەریکا پرسە و سەرەخۆشی خۆی ئاراستەی سەرۆک بارزانی و خانەوادەی ھەموو ئەو پێشمەرگانە کرد کە لە شەڕی تیرۆریستانی داعشدا گیانی خۆیان فیدا کردووە و شەھید بوونە. ھەروەھا پیرۆزبایی و دەستخۆشیشی لە ھێزی پێشمەرگە کرد بە بۆنەی ئەو سەرکەوتنانەی لەبەرانبەر تیرۆریستاندا بەدەستیان ھێناوە.



لە بەشێکی تری ئەم پەیوەندییەدا ھەردوولا ھاوکاری و ھماھنگیی نێوان ھێزی پێشمەرگە و ھێزەکانی سوپای عێراق بە باش وەسف کرد کە دەستکەوت و سەرکەوتنی بەرچاوی بەدەست ھێناوە و بە پێویست زانرا ئەو ھەماھەنگییە بەردەوام بێت و جێگری سەرۆکی ئەمەریکا پشتگیریی وڵاتەکەی بۆ ئەو ھەماھەنگییە دووپاتکردەوە.



ھەر لەو پەیوەندییە سەرۆک بارزانی سوپاسی ئەمەریکای کرد کە پاڵپشتی ھێزی پێشمەرگە و ھەماھەنگییەکەی بووە لەگەڵ ھێزەکانی عێراقیدا.
PAYAMNER-