ئەمڕۆ سێشەممە لە درێژەی هەڵمەتی هەفتەی بەرەنگاربوونەوەی توندوتیژی دژ بەئافرەتان، لە سۆران كۆنفرانسێك ئەنجام درا و ڕێزیش لە ژمارەیەك ئافرەتی چالاكوان گیرا.

ڕائید سالار دری، بەڕێوەبەری ڕێکخراوی بەرەنگاربوونەوە و نەهێشتنی توندوتیژی دژ بە ئافرەتانی سۆران، ڕایگەیاند "لە درێژەی هەڵمەتی هەفتەی بەرەنگاربوونەوەی توندوتیژی دژ بە ئافرەتان، ئەمڕۆ سێشەممە 29-11-2016 لە كۆنفڕانسێكدا لە هۆڵی بۆنەكانی سۆران، بە ئامادەبوونی ژماریەكی بەرچاو لە ئەنجومەنی باڵای خانمان و یەكێتیی ئافرەتان و ژنان و ئەندامانی ئەنجومەنی پارێزگا و قائیمقام و بەڕێوەبەرانی سنوورەكە و ڕێكخراوەكان و میوانان و چالاكوانانی كۆمەڵگەی مەدەنی دەڤەری سۆران، چندین بڕگە و بابەت پێشكەش كران، وەك وتار و ڕاگەیاندنی ئاماری توندوتیژییەكان و شانۆگەری و پیشانگە و چەندین بابەتی تر."

بەڕێوەبەری بەرەنگاربوونەوە و نەهێشتنی توندوتیژی دژ بە ئافرەتانی سۆران، گوتیشی، "لەو كۆنفڕانسەدا خەڵاتی ڕێزلێنانمان بەخشی بە 16 ئافرەتی چالاكوان لە سەرجەم بوارە جیاجیاكاندا، كە لە سەرجەم حزب و لایەنەكان پێكهاتبوون."









باسنیوز