تەرمی هاووڵاتییەکی کوردی خەڵکی گوندی (نەڵۆس)ـی سەر بە شاری سەردەشت، دوای ماوەی 21 ساڵ شوێن بزربوون دۆزرایەوە.

بەپێی هەواڵی ماڵپەڕی (هاژە) ئەو هاووڵاتییە کوردە ماوەی ٢١ ساڵ لەمەوبەر لە چۆمی (کەڵوێ)دا خنکابوو و هەوڵەکان بۆ دۆزرانەوەی تەرمەکەی بێ ئاکام مابوونەوە.

دوای 21 ساڵ تێپەڕبوون بەسەر ئەو ڕووداوەدا، تەرمی ئەو هاووڵاتییە کوردە لەڕووی تاقیکاریی (DNA) ناسراوە.

شوناسی ئەو هاووڵاتییە "ئا. پێژمان" کوڕی ئەحمەد و خەڵکی گوندی نەڵۆسی سەر بە شاری سەردەشت ڕاگەیەندراوە.

بەشێکی کەم لە تەرمی ئەو هاووڵاتییە کوردە لە چەند ڕۆژی ڕابردوودا و لەناو قوڕ و لیتەی لادراوی ڕووبارەکە دۆزراوەتەوە.














باسنيوز