سەرۆكێ‌ دەستەیا بلندا بنگەهێ‌ لالش ل دهۆكێ‌ دیاركر سەرەدانا سەرۆك بارزانی بۆ باشیكێ‌ یا دیرۆكی یە و دێ‌ بتە ئەگەرێ‌ بهێز ئێخستنا پەیوەندیێن جڤاكی دناڤبەرا پێكهاتێن گەلێ‌ كوردستانێ‌ ل دەڤەرێ‌ ل پاشەرۆژێ‌ دا .



شێخ شامۆ سەرۆكێ‌ دەستەیا بلندا بنگەهێ‌ لالش ل دهۆكێ‌ دیاركر بنگەهێ‌ لالش پلانەكێ‌ دانێت بۆ پشتی رزگاركرنا مووسلێ‌، هەموو تایێن لالش پلانەكا كاری بۆ سالا داهاتی دێ‌ پێشكێش كەن ، بنگەهێن لالش بەرهەڤ بن بۆ هاریكاریكرنا زارۆكێن ئێتیم و كەسێن پێتڤی ب هەلكەفتا نێزیكبوونا جەژنا رۆژیێن ئێزی، راگەهاندنا بنگەهێ‌ لالش رابوویە ب ئەرشیف و دكیۆمێنتكرنا هەموو زەرەرێن دەڤەرا باشیكێ‌ ب تایبەت مەزارگەه و جهێن پیرۆز.



سەرۆكێ‌ دەستەیا بلند بنگەهی لالش دیاركر ڤەكرنا قوتابخانێن برایەتی ئێك ژ دەستپێشخەریێن بنگەهێ‌ لالش و حكوومەتا هەرێما كوردستانێ‌ بوون رابوو ب ڤەكرنا وان قوتابخانان داكو قوتابیێن مە یێن خۆشتڤی خووندنا خۆ لی تەماتم بكەن بكەن ، پشتی پتر ژ 400 قوتابیان داخوازكری یێن مەرجێن برایەتی ژێنەگرتین،ل سەر راسپاردەیا سەرۆك بارزانی بۆ جهێن شۆلەژێ‌ مە كاری رازەمەندییان بۆ ڤان قوتابیان وەربگرن ل قوتابخانان بێنە وەرگرتن.



شێخ شامۆ دكومبوونا دەستەیا بلندا بنگەهی لالش دا رۆلێ‌ پێشمەرگەیێ‌ قارەمان و سەركەفتنێن وان ل سەر رێكخراوا داعش یا تیرۆرستی ل سەنگەرێن شەری بلند نرخاند،هەروەسا پیرۆزباهی ل خەلكێ‌ باشیك و بەحزانێ‌ كر ب هەلكەفتا رزگاركرنا دەڤەرا وان.
BAS NEWS -