"لەیلا ئەحمەد" ئەندامی تیمی پلەی باسی ڕێکخراوی وادی بو ئاژانسی ھەواڵی زاگرۆسی وتی: "ئامانج لە پرۆژەکەمان ھۆشیار کردنەوەی منداڵانە لەڕووی تەندروستی و کۆمەڵایەتی و دڵخۆشکردنیان بە یاری و شادیه."



لەیلا ئەحمەد گوتی: ناوەڕوەکی پرۆژەکەمان ئەوەیە کە ئێمە ڕۆژانە لەڕێگەی بردنی یاری جۆراوجۆری منداڵانەوە بۆ لادێکانی گەرمیان منداڵان بۆ چەند ساتێک دڵخۆش بکەین و حەزە ڕوحیەکانیان تێر دەکەین, لەگەڵ ئەمەشدا بەدواداچوونی ورد دەکەین بۆ ژیانی ئەو منداڵانە و چۆنیەتی پەروەردەکردنیان, سەرەڕای ئەوەی کە ھۆشیاری تەندروستی و کۆمەڵایەتی و ئەرکی دایک و باوک لە شێوازی پەروەردەکردنی منداڵەکانیان بە دایک و باوکی منداڵانی گوندەکان دەدەین."



بە وتەی لەیلا ئەحمەد، منداڵانی گوندەکانی گەرمیان بێبەشن لە یاری و شادی, پشتگوێ خراون و گرفتی گەورەیان ھەیە.



باسی لەوەشکرد, پرۆژەکەیان بەردەوام دەبێت لە سەردان کردنی گوندەکانی سنوری ئیدارەی گەرمیان و ژمارەیەکی زۆر گوندیش گەڕاون.
PAYAMNER-