مامۆستایانی ئاینی شاری كه‌ركووك به‌ توندی سه‌ركۆنه‌ی تیرۆركردنی مامۆستا"وشیار ئیسماعیل" ده‌كه‌ن و رایانگه‌یاند" تیرۆركردنی ناوبراو هه‌وڵێكه‌ بۆ تێكدانی ئارانمی و پێكه‌وه‌ ژیان.

ئه‌و مامۆستا ئاینیانه‌ی شاری كه‌ركووك له‌ رێگه‌ی میدیاكانه‌وه‌ قسه‌یان له‌با‌ره‌ی تیرۆركردنی ئه‌و مامۆستا ئاینییه‌ی شاری هه‌ولێره‌وه‌ كرد و كوشتنی دكتۆر وشیاریان به‌ هه‌وڵێكی نه‌زۆكی دڵڕه‌شان ناوبرد.

هه‌روه‌ها سه‌ره‌خۆشی خۆیان وه‌ك مامۆستایانی ئایینی كه‌ركووك گه‌یانده‌ كه‌سوكار و خانه‌واده‌ی دكتۆر وشیار ئیسماعیل و له‌ په‌یامه‌كه‌یاندا ده‌ڵێن" كوشتنی ئه‌و مامۆستا ئاینییه‌ نه‌ك ته‌نها كه‌سوكاری به‌ڵكو دڵی هه‌موو خه‌ڵكی كوردستانی هه‌ژاندووه‌ و داوایانكرد به‌ زوویی ئه‌نجامده‌رانی ئه‌و كرده‌وه‌ تیرۆریستییه‌ به‌ سزا بگه‌یه‌نرێن.
k24 -