لە پەیوەندییەكی تەلەفۆنی نێوان سەرۆكی هەرێمی كوردستان و وەزیری بەرگریی ئەمەریكادا ئۆپەراسیۆنی ئازادكردنی مووسڵ تاوتوو كرا و، هه‌روه‌ها جەختیان لە بایەخ و گرنگیی بەردەوامیی هەماهەنگی نێوان هاوپەیمانان و پێشمەرگە و سوپای عێراق بە تایبەت لەنێوان هێزی پێشمەرگە و هێزەكانی سوپای عێراق كردەوە.


ئێوارەی ڕۆژی سێشەممە 22ـی 1ـی 2016 (ئاشتن كارتەر) وەزیری بەرگریی ئەمەریكا لەڕێی تەلەفۆنەوە پەیوەندی بە (مەسعوود بارزانی) سەرۆكی هەرێمی كوردستان كرد.
لە پەیوەندییە تەلەفۆنییەكەدا وەزیری بەرگریی ئەمەریكا خۆشحاڵی و پیرۆزبایی خۆی بە (سەرۆك بارزانی) ڕاگەیاند بەبۆنەی سەركەوتنەكانی هێزی پێشمەرگە و سوپای عێراق لە بەرەكانی شەڕی دژی تیرۆریستانی داعش. هەروەها پێزانینیشی بۆ ئاستی باشی هەماهەنگی و كاری هاوبەشی پێشمەرگە و سوپای عێراق هەبوو لە شەڕی تیرۆریستاندا.
هەر لەم پەیوەندییەدا هەردوولا جەختیان لە بایەخ و گرنگیی بەردەوامیی هەماهەنگی نێوان هاوپەیمانان و پێشمەرگە و سوپای عێراق بە تایبەت لەنێوان هێزی پێشمەرگە و هێزەكانی سوپای عێراق كردەوە.
لە بەشێكی تری ئەم پەیوەندییە تەلەفۆنییەدا هەردوولا بیروڕایان لەبارەی هەنگاوەكانی جێبەجێكردنی پلانی ئازادكردنی مووسڵ و دەرووبەری ئاڵۆگۆڕ كرد و قۆناغەكانی ئۆپەراسیۆنەكە هەتا ئێستا بە سەركەوتوو وەسف كرا.
هەر لەم پەیوەندییە تەلەفۆنییەدا (سەرۆك بارزانی) سوپاسی گەل و حكوومەت و سوپای ئەمەریكای كرد كە لە شەڕی تیرۆردا پشتیوانی پێشمەرگە بوونە و هیوای سەركەوتنی یەكجارەكی لە بەرانبەر تیرۆریستان خواست.
pdk-