فەرماندەیەکی ھێزی پێشمەرگە لە میحوەری شنگال دەڵێت، تیرۆرستانی داعش ورەیان رووخاوە ولەئێستادا تەنھا یەک رێگایان ماوە بچنە سوریا ئەویش لە رێگەی بەعاجەوەیە.



عەمید "ھەکار نەھێلی" بە ئاژانسی ھەواڵی زاگرۆسی راگەیاند: "داعش ھەندێک جار بۆ سەلماندنی بوونی خۆیان ھاون ئاراستەی ھێزی پێشمەرگە دەکەن، گەر نا زۆر لاواز و بێھێز بوونە و ورەشیان رووخاوە و وەکو پێشوو نەماون، چونکە ھێزی پێشمەرگە بەوپەڕی ورەبەرزیەوە لە سەنگەرەکانی بەرگریدایە و جارێکی دیکە رێگە نادات داعش لە خاکی کوردستان نزیک بێتەوە."



عەمید ھەکار نەھێلی گوتی: حەشدی شەعبی باس لەوەدەکات کە رێگای داعش لەنێوان عێراق و سوریایان بڕیوە، بەڵام تاوەکو ئێستا لە ناوچەی بەعاج داعش ھاتوچۆ دەکات لەنێوان عێراق و سوریا و ئەو رێگایە ھەر ماوە.



نەھێلی باسی لەوەشکرد: ئەگەر ئەو رێگایە کۆنترۆڵ بکرێت چیتر داعش ناتوانی لە موسڵ و ئەو ناوچانەی لەژێر دەستی ئەوان دایە ھاتوچۆ بۆ سوریا بکەن و رێگاکەیان بەتەواوەتی لێ دادەخرێت.
payamner-