کەمێک پێش ئێستە لە گوندی عاشق لە میحوەری ئاسکی موسڵ 18چەکداری داعش کوژران

عەقید کامەران هەورامی ئەفسەر لە سوپای زێرەڤانی لە میحوەری ئاسکی موسڵ لە ڕۆژئاوای شاری موسڵ ڕاگەیاند : سەعات 12 ئەمشەو چەکدارانی داعش جوڵەیەکیان بە ئاراستە پێشمەرگە دەست پێکرد.

گوتیشی: دوای ئاگادارکردنەوەی فرۆکە جەنگیەکانی هاوپەیمانان, بۆردومانی ئەو چەکدارانەی داعشیان کردو زیاتر لە 18چەکداری داعش کوژران و ئۆتۆمبیلەکانیشان بەهۆی ئەو بۆردومانەوە سوتان.

هەورامی گوتیشی: بەهۆی بۆردومانی ئەو فرۆکانەوە چەکدارانی داعش نەیانتوانی بگەنە نزیک پێشمەرگەو ئێستەش بارودۆخی ناوچەکە ئارامەو پێشمەرگە لە ئامادە باشی تەواو دایە.