ئەندامێكی كوردی لێژنەی ئاسایش و بەرگریی پەرلەمانی عێراق ئاشكرای كرد، هێزە ئەمنییەكانی پارێزگای كەركووك، تونێڵێكی نهێنیی ڕێكخراوی توندڕەوی داعشیان دۆزیوەتەوە.

“شاخەوان عەبدوڵڵا”، ئەندامی لێژنەی ئاسایش و بەرگریی پەرلەمانی عێراق ڕایگەیاند، هێزە ئەمنییەكانی كەركووك، تونێڵێكی نهێنیی چەكدارانی داعشیان دۆزیوەتەوە كە چەند ناوچەیەك بە (تەلوەرد)ەوە دەبەستێتەوە. ئەوەشی ئاشكرا كرد، هێزە ئەمنییەكان دوای دۆزینەوەی، تونێڵەكەیان بە بۆمب تەقاندووەتەوە.