چه‌كدارانی داعش له‌به‌ره‌ی باشوری خۆرهه‌ڵاتی كۆبانێ، هه‌وڵیاندا به‌ ئۆتۆمبێلی بۆمبڕێژكراو په‌لاماری شه‌ڕڤانانی یه‌په‌گه‌ بده‌ن، به‌ڵام هه‌وڵه‌كه‌یان شكستی پێهێنراوه‌.

ئاژانسی هه‌واڵی هاوار نیوز بڵاویكرده‌وه‌ نیوه‌ڕۆی ئه‌مڕۆ چه‌كدارانی داعش له‌سه‌ر جاده‌ی 48 له‌ به‌ره‌ی باشوری خۆرهه‌ڵاتی كۆبانێ، هه‌وڵیاندا به‌ ئۆتۆمبێلی بۆمبڕێژكراو په‌لاماری شه‌ڕڤانانی یه‌په‌گه‌ بده‌ن.
هه‌ر به‌ پێی ئه‌و هه‌واڵه‌ شه‌ڕڤانانی یه‌په‌گه‌ لێیان هاتونه‌ ده‌ست و به‌ ده‌ستڕێژی گوله‌ ئۆتۆمبێله‌كه‌یان ته‌قاندۆته‌وه‌ و شكستیان به‌و هه‌وڵه‌ی داعش هێناوه‌.

داعش له‌ ماوه‌كانی رابردوودا چه‌ندین جار په‌لاماری هاوشێوه‌ی كردوه‌ته‌ سه‌ر سه‌نگه‌ره‌كانی پێشمه‌رگه‌ و شه‌رڤانان، به‌ڵام زۆربه‌ی ئه‌و هه‌وڵانه‌ی شكستیان پێهێنراوه‌.







nana