ئەمڕۆ یەكشەممە مەسعود بارزانی سەرۆكی هەرێمی كوردستان لەگه‌ڵ ئوسامە نوجەیفی جێگری سەرۆك كۆماری عێراقی فیدڕاڵ كۆبۆوه‌، لە كۆبوونەوەیەكدا دوایین پەرەسەندنە سیاسی و ئەمنییەكانی عێراق خرایە بەر باس و بارودۆخی مەیدانیی بەرەكانی ڕووبەڕووبوونەوەی تیرۆریستانی داعش تاوتوێ كرا.



هەر لەم كۆبوونەوەیەدا جێگری سەرۆك كۆماری عێراق دەستخۆشی لە هێزەكانی پێشمەرگەی كوردستان كرد بۆ ئەو سەركەوتنە مەزنانەی لەشەڕی تیرۆریستاندا بەدەستیان هێناوە و پاڵپشتیی خۆیشی بۆ گەلی كوردستان و هێزی پێشمەرگە دووپاتكردەوە.