بە گووتەی بڕیاردەری لیژنەی دارایی پەرلەمانی كوردستان، ئەگەر ئەمڕۆ پڕۆژە یاسای بودجەی گشتی عێراق پەسەند بكرێت، موچەی پێشمەرگە دەگاتە هەرێم.

هیڤا حاجی، بڕیاردەری لیژنەی دارایی پەرلەمانی کوردستان بە پەیامنێری راگەیاند؛ ئەگەر ئەمڕۆ پەرلەمانی عێراق دەنگ بە پڕۆژە یاسای بودجەی گشتی بدات و پەسەندی بکات، مووچە و بودجەی پێشمەرگە لە کاتێکی زۆر نزیک دەگاتە هەرێمی کوردستان.

ئەو ئەندامەی پەرلەمانی کوردستان ئاماژەی بەوەشکرد، زیاتر لە مووچەی خۆی پێداگیری لە سەر خەرجكردن و زیادكردنی مووچەی هێزەكانی پێشمەرگە دەكەن، چونكە بەگوێرەی ئەركەكەی مووچەیەكی زۆر كەم وەردەگرن.