نوری عوسمان بەڕێوەبەری نوسینگەی سەرۆكی حكومەتی هەرێم بۆ كاروباری ئاوارە ئێزدیەكان لەدهۆك رایگەیاند، شەنگاڵ و گوندو ناوچەكانی سنوری لەسەر دەستی تیرۆریستانی داعش دووچاری كێشەو گرفت و وێرانیەكی زۆر بۆنەتەوە.
نوری عوسمان هەروەها گوتی، داعش جگە لەوەی ناوچەكانی كوردی ئێزدی لەشەنگاڵ و دەوروبەری داگیر كردووە،بەشێكی زۆری شوێنەكانی تەقاندۆتەوەو هەندێكی دیكەشی لە دوای ئازادكردنەوەی لەلایەن هێزی پێشمەرگە بە بۆمبرێژكراوی بەجێی هێشتووە.
ئەوەشی خستەروو، ئەو وێرانكارییەی لەسەر دەستی داعش روویداوە، پێویستی بە بڕە پارەیەكی زۆر هەیە بۆ ئەوەی جارێكی تر بنیادبنرێتەوەو ناوچەكە ئاوەدان بكرێتەوە، هاوكات ماوەی چەند ساڵێكی پێویستە تا تەواوی سنورەكە بێتە ئاوەدان كردنەوە.