له‌ به‌غدا هوشیار زێبارى وه‌زیرى دارایى عێراق كۆنگره‌یه‌كى رۆژنامه‌وانى له‌باره‌ى سیاسه‌تى دارایى ساڵى 2015 سازكرد و تێدا رایگه‌یاند كه‌ له‌سه‌دا 80ی بودجه‌ بۆ مووچه‌ ده‌روات.

هه‌روه‌ها زێباری راشیگه‌یاند كه‌ له‌ سه‌ره‌تاى ساڵى 2015 وه‌ موسته‌حه‌قاتى پێشمه‌رگه‌ ره‌وانه‌ ده‌كه‌ین و بودجه‌ بۆ مادده‌ى 140ى ده‌ستوور ته‌رخانكراوه‌.

هه‌روه‌ها وه‌زیری دارایی عێراق ئاشكرای كرد كه‌ كورتهێنانى راسته‌قینه‌ له‌ بودجه‌ى دوو هه‌زار و پازده‌ ده‌گاته‌ 23 پۆئینت چوار ترلیۆن دینار و له‌ ساڵى 2015 باج له‌سه‌ر ئۆتۆمبیل و ئه‌نته‌رنێت و كارتى مۆبایل زیاده‌كه‌ین .

به‌شێكی دیكه‌ی كۆنگره‌ رۆژنامه‌وانییه‌كه‌دا زێباری روونیكرده‌وه‌ كه‌ هیچ وه‌زیرێك له‌ بڕى بودجه‌ى ته‌رخانكراو بۆ وه‌زاره‌ته‌كه‌ى رازی نییه‌ ئه‌وه‌یش به‌هۆى سك هه‌ڵكوشین.