شه‌وی‌ رابردوو داعش له‌ گوندی‌ سه‌هلیجی‌ سه‌ر به‌ به‌نداوی‌ موسڵ هێرشی‌ كرده‌ سه‌ر سه‌نگه‌ره‌كانی‌ پێشمه‌رگه‌، به‌ڵام پێشمه‌رگه‌ به‌توندی‌ وه‌ڵامی‌ هێرشه‌كه‌ی‌ داعشی‌ دایه‌وه‌ و ئه‌میرێكی‌ داعش به‌ناوی‌ ئه‌بو حسێن و 11 تیرۆرستی‌ دیكه‌ش كوژراون.

ئه‌فسه‌رێكی‌ سه‌ربازی‌ له‌ میحوه‌ری‌ به‌نداوی‌ موسڵ رایگه‌یاند: "شه‌وی‌ رابردوو داعش هێرشی‌ كرده‌ سه‌ر سه‌نگه‌ره‌كانی‌ پێشمه‌رگه‌، به‌ڵام پێشمه‌رگه‌ به‌توندی‌ به‌رپه‌رچی‌ هێرشه‌كه‌ی‌ داعشی‌ دایه‌وه‌ و و به‌پێی‌ زانیارییه‌كانیش 11 داعش كوژران كه‌ ئه‌میرێكی‌ تێدا بووه‌".

وتیشی‌: "داعش له‌ گوندی‌ سه‌هلیجی‌ سه‌ر به‌ به‌نداوی‌ موسڵ سوودیان له‌ كه‌ش و هه‌وا وه‌رگرتبوو بۆیه‌ هێرشیان كرد، به‌ڵام پێشمه‌رگه‌ به‌وره‌یه‌كی‌ به‌رز هێرشه‌كه‌ی‌ داعشی‌ تێكشكاند و گورزێكی‌ تری‌ به‌ داعش گه‌یاند".









خه‌ندان