هێرشەکانی هێزی پێشمه‌رگه ‌و شەڕڤانان و فڕۆکەکانی هاوپه‌یمانان بۆ سه‌ر مۆڵگە و باره‌گاكانی داعش له‌كۆبانی بەردەوامی هەیە و دوێنێش توانراوە (20) له‌چه‌كدارانی داعش بكوژن و (6)ی دیکەشیان ده‌ستبه‌سه‌ر بكه‌ن.
ئه‌فسه‌رێكی نێو هێزی پێشمەرگەی کوردستان له‌ كۆبانی به ‌(سبه‌ی) راگه‌یاند: شه‌ڕڤانانی یەپەگە به‌ هه‌ماهه‌نگی‌ له‌گه‌ڵ یۆپخانەکانی پێشمه‌رگه‌و فڕۆکەکانی هاوپه‌یمانان، گەڕەکانی ( مره‌به‌ع ئه‌منی وسوقل هالا و مه‌سه‌لنور) یان بۆردومانكرد.
وتیشی: له‌و هێرشه‌دا زیاتر له‌ (20) چه‌كداری‌ داعش كوژراون و (6) كه‌سیشیان به‌دیل گیراون.
ئاماژه‌ی‌ به‌وه‌شكرد، چه‌كدارانی داعش توانای هێرشكردنیان نه‌ماوه‌و له‌ئێستادا (80%) كۆبانی پاككراوه‌ته‌وه‌ لەو‌چه‌كدارانە.







سبەی