دوای دەستپێكی كارەكانی دیداری مێری بۆ ئاشتەوایی، ئەمرۆ لە رۆژی دووەمی ئەو دیدارەدا، دوو پانێل بەرێوەچوون و واش بریارە دوو پانێڵی دیكەش بەرێوەبچن.



فوئاد عەلی یاریدەدری رێكخەری دیداری مێری گوتی: ئەو دیدارە پەیمانگەی رۆژهەڵاتی ناوەراست بۆ توێژینەوە سازی كردووەو ماوەی سێ رۆژ بەردەوام دەبێت كە نزیكەی 600 ئەندام لە وڵاتانی دراوسێ عیراق و وڵاتانی بیانییەوە هاتوون و لە سەرجەم كاری ئەو دیدارەدا 9 پانێڵ بەرێوە دەچێت.

دوێنێ كاتژمێر چواری ئێوارە لە شاری هەولێر بە ئامادەبوونی نوێنەرانی 120 وڵات یەكەمین دیداری ئاشتەوایی لە عیراق و رۆژهەڵاتی ناوەڕاست دەستی بەكارەكانی كرد.