لێپرسراوی فەرمانگەی شوێنەواری كۆیە رایگەیاند: بەمەبەستی كارئاسانی لە كاركردنی كەرتی شوێنەواری سنوورەكەیان، روپێوی ناوچە شوێنەواریەكان ئەنجام دەدەن.



سەركەوت سۆفی، بە پەیامنێری راگەیاند: بۆ ئەو مەبەستە تیمێكی بیانی چیكۆسلۆڤاكی بەیاوەریی بەشی شۆینەواری زانكۆی سەلاحەدین سەردانی فەرمانكەكەمانیان كرد و بەیەكەوە سەردانی بناری هەیبەسوڵتانمان كرد.



گوتیشی: خۆشبەختانە سەردانەكە دەرەنجامی باشی لیكەوتەوە، بۆ ئەوەی كاری پێویستی ئەو بابەتەی لەسەر ئەنجام بدەین.



راشیگەیاند: بەهۆی باران بارینی ئەم دواییە بارچە گۆزەیەك بەدەركەوت و وەفدەكە پێیانراگەیاندین كە میژووەكەی دەگەریتەوە بۆ سەردەمی ساسانیەكان. بەدەر لەوەش ساڵی رابردوو لەهەمان شۆین چەند پارچە گۆزەیەك دەركەوتبوون و وەك فەرمانگەی شوێنەواری كۆیە كاری پشكنینمان بەشیوەیەكی زانستی بۆیان ئەنجامدا.








|PNA