بومه‌له‌رزه‌یه‌ك شاری‌ سلێمانی‌ ‌و ده‌وروبه‌ری‌ ده‌هه‌ژێنێت ‌و به‌ وته‌ی‌ به‌ڕێوه‌به‌ری‌ كه‌شناسی‌ سلێمانیش هیچ زیانێكی‌ لێنه‌كه‌وتۆته‌وه‌.

دارا حه‌سه‌ن، به‌ڕێوه‌به‌ری‌ كه‌شناسی‌ سلێمانی‌، به‌ خه‌ندانی‌ راگه‌یاند: ئه‌مڕۆ پێنجشه‌ممه‌، كاتژمێر شه‌ش ‌و شه‌ش ده‌قه‌، بومه‌له‌رزه‌یه‌ك به‌ گوڕی‌ 6. 3 به‌پێوه‌ری‌ رێخته‌ر شاری‌ سلێمانی‌ ‌و ده‌وروبه‌ری‌ هه‌ژاند.

به‌ڕێوه‌به‌ری‌ كه‌شناسی‌ سلێمانی‌ وتیشی‌: "بومه‌له‌رزه‌كه‌ هیچ زیانێكی‌ گیانی‌ ‌و ماڵی‌ به‌دواوه‌ نه‌بووه‌".

هاوكات له‌گه‌ڵ زه‌مین له‌رزه‌كه‌ی شاری سلێمانی، پێگه‌ی quakesی تایبه‌ت روودانی دوایین زه‌مین له‌زره‌ له‌ جیهاندا بڵاویكرده‌وه‌ كه‌ چوار زه‌مین له‌رزه‌ی له‌ هه‌مان كاتدا ناوچه‌كانی باشوور و خۆرئاوای توركیا هه‌ژاندووه‌ كه‌ پله‌كانی له‌نێوان 2.5 بۆ 3.2 پله‌ بووه‌ به‌ پێوه‌ری رێخته‌ر.







خه‌ندان