ئەندامێكی مەكتەبی سیاسیی كۆمەڵی ئیسلامی كوردستان ناوەڕۆكی پڕۆژەكەی عەلی باپیر، ئەمیری كۆمەڵی ئیسلامی بۆ راگەیاندنی دەوڵەتی كوردی ئاشكرا دەكات، كە بڕیارە ئەمڕۆ چوارشەممە كاژێر 10:00 لە شاری هەولێر لە كۆنگرەیەكی رۆژنامەوانیدا لەلایەن ئەمیری كۆمەڵی ئیسلامییەوە رابگەیەنرێت.

عەبدولستار مەجید،رایگەیاند: "لەو پڕۆژەیەدا پرس و راوێژ بە كۆمەڵێك خەڵكی پسپۆڕ و شارەزا كراوە، كە باسی هەلومەرجی كوردستان دەكات لە رووی یاسا نێودەوڵەتییەكان".
گوتی: "ئێستا ئەو هەلومەرجە یاساییە نێودەوڵەتییانە گۆڕانكارییان بەسەردا هاتووە و رێگاخۆشكەرن بۆ راگەیاندنی دەوڵەتی كوردی".

روونیشیكردەوە: ''ئێمە وەكو كۆمەڵی ئیسلامی لە ماوەی رابردوودا پڕۆژەیەكمان گەڵاڵە كردووە، كە بڕیارێكی سەركردایەتی كۆمەڵی ئیسلامییە و بڕوامان بەوە هەیە كوردستان، بەتایبەت هەرێمی كوردستان بە مافی تەواوەتی خۆی بگات، كە ئەویش راگەیاندنی دەوڵەتی كوردستانە".







رووداو