بەهۆی نەبوونی کورسی پێویست و کەمی پەیمانگا هونەریەکانی سەربەوەزارەتی پەروەردە، ساڵانە ژمارەیەکی زۆر لە قوتابیان دوای تەواو کردنی قۆناغی بنەڕەتی لەو پەیمانگا هونەریەکان وەرناگیرێن، وەزارەتی پەروەردەی هەرێمیش ڕایدەگەیەنێت لەگەڵ کردنەوەی زیاتری پەیمانگای ئەهلین.



بەڕێوەبەری پەیمانگاکان و مەشق لەوەزارەتی پەروەردەی حکومەتی هەرێمی کوردستان"برایم بایز" لەلێدوانێکی تایبەت بۆئاژانس و ڕادیۆیی پەیامنێر گوتی:"وەزارەتی پەروەردەی حکومەتی هەرێمی کوردستان لەگەڵ کردنەوەی پەیمانگای زیاترە و پێشوازی لەهەموو داواکاریەکی لەو شێوەیە دەکەین"



گوتی:"ئەو داواکاریانەی پێشکەشمان دەکرێن بۆ کردنەوەی پەیمانگا ئێمە هەڵسەنگاندنیان بۆ دەکەین ئەوکات بڕیار لەسەر مۆڵەت پێدانی دەدات".



برایم بایز دەڵێت: "ئەو پەیمانگا هونەریە ئەهلیەی لەسلێمانی کراوەتەوە هەمان سیستەم پەیڕەو دەکات کەوا لەپەیمانگا هونەریە حکومیەکان پەیڕەو دەکرێت".



ڕاشیگەیاند:"ساڵانە داخوازی لەسەر پەیمانگا هونەریەکان زۆرە و کورسیەکانی پەیمانگا هونەریەکانی هەرێمی کوردستانیش ژمارەیان سنوردارە".