سەربەست مستەفا سەرۆكی كۆمسیۆنی باڵای سەربەخۆی هەڵبژاردنەكان لە عێراق رایگەیاند: كۆمسیۆنی باڵای سەربەخۆی هەڵبژاردنەكان لە عێراق داوای لەسەرجەم قەوارە سیاسییە بەشداربووەكان كردووە پابەندی رێنمایی و یاساكانی كۆمسیۆن بن لە ماوەی هەڵمەتی هەڵبژاردنەكاندا.
روونی كردەوە، لەو چوار چیوەیەدا كۆمسیۆن لیژنەیەكی باڵای لە ئۆفێسی نیشتمانی پێكهێناوە بۆ ئەوەی چاودێری كۆی پرۆسەی پرۆپاگەندە بكات.
راشیگەیاند: هاوكات لە هەر پارێزگایەك لیژنەیەكی فەرعی پێكهاتووەو لە ئەگەری پێشڵكردنی رێنمایەكان كۆمسیۆن سزای دارایی بەسەر قەوارە و كاندیدەكان دەسەپێنێ.