شوان محەمەد تەها پەرلەمانتاری عێراق لە فراكسۆنی هاوپەیمانی كوردستانی راگەیاند: سەرەڕای فشارە ناوخۆییەكان بەڵام هێشتاكە نووری مالیكی سەرۆك وەزیرانی عێراق سوورە لەسەر بڕیاری دیكتاتۆرانەی خۆی بە نەناردنی مووچەی فەرمانبەرانی هەرێمی كوردستان.
وتیشی: یەكێك لە بژارە گرنگەكانی ئێستە بریتیە لەوەی لایەنە سیاسییەكانی عێراق بە تایبەتیش كورد داوا لە كۆمەڵگەی نێودوڵەتی بە تایبەتی نەتەوە یەكگرتووەكان بكەن تا مالیكی ناچار بكەن بۆ ئەوەی مووچەی فەرمانبەرانی هەرێمی كوردستان بدات.
راشیگەیاند: مالیكی دەیەوێ كێشەكان بەم شێوەیەی ئێستا بهێلێتەوە بۆ ئەوەی وەك بانگەشەی هەڵبژاردن سوودی لێوەربگرێ.