سیروان ئەحمەد ئەندامی ئەنجومەنی كۆمسیارانی كۆمسیۆنی هەڵبژاردنەكان لە عێراق رایگەیاند: ئامادەكارییەكانی كۆسیۆن بۆ ئەنجامدانی هەڵبژاردن لەموسڵ و ئەنبار وەك هەر پارێزگایەكی دیكەی عێراق بە شێوەیەكی ئاسایی و بە پێی خستەی دیاری كراو بەڕێوەدەچێ.
ئەوەشی خستەروو، تا ئێستە كۆمسیۆن دووچاری هیچ كێشەو گرفتێكی ئەوتۆ نەبۆتەوە كە ببێتە هۆكارێك بۆ دواخستنی.
وتیشی: تا ئێستە بە شێوەیەكی رەسمی هیچ لایەن و كەسێك و حكوومەتی عێراقیش داوای لە كۆمسیۆن نەكردووە بۆ دواخستنی هەڵبژاردنەكە لەكاتی دەست نیشان كراوی خۆیدا.