به‌ بۆنه‌ی هاتنه‌وه‌ی جه‌ژنی بچووكی سابیئه‌ی مه‌ندائی، جه‌ژنی گه‌شانه‌وه‌ (ده‌هوا هه‌نینا) به‌رێز مه‌سعود بارزانی سه‌رۆكی هه‌رێمی كوردستان په‌یامێكی پیرۆزبایی ئاراسته‌ی خوشك و برایانی سابیئه‌ی مه‌ندائی كوردستان و عێراق و جیهان كرد ئه‌مه‌ی خواره‌وه‌ش ده‌قه‌كه‌یه‌تی:

به‌ناوی خوای مه‌زن و دلۆڤان

خوشك و برایانی به‌ڕێزی سابیئه‌ی مه‌ندائی له‌ كوردستان و عێراق و جیهان
سڵاوی یه‌زدانتان لێبێت؛

به‌ بۆنه‌ی هاتنه‌وه‌ی جه‌ژنی بچووكی سابیئه‌ی مه‌ندائی، جه‌ژنی گه‌شانه‌وه‌ (ده‌هوا هه‌نینا)، جوانترین پیرۆزباییتان ئاراسته‌ ده‌كه‌ین و له‌ یه‌زدانی په‌روه‌ردگار داواكارین هه‌رساڵ ئه‌م جه‌ژنه‌تان به‌ خێر وخۆشی بۆ بگه‌ڕێنێته‌وه‌ و وڵاته‌كه‌شمان ئۆقره‌یی و شكۆمه‌ندیی و بووژانه‌وه‌ی زیاتر به‌خۆیه‌وه‌ ببینێ‌.

جارێكی دی پیرۆزبایی ئه‌م جه‌ژنه‌تان لێ ده‌كه‌ین و هیوای سه‌رفرازی و خۆشگوزه‌رانیتان بۆ ده‌خوازین.

هه‌موو ساڵێك هه‌ر له‌ خۆشیدا بن


مسعود بارزانی
سه‌رۆكی هه‌رێمی كوردستان
3/11/2011