له‌به‌رده‌وامیی سه‌ردانه‌كه‌ی بۆ كۆماری ئسلامیی ئێران دوێنێ به‌رێز مه‌سعوود بارزانی سه‌رۆكی هه‌رێمی كوردستان سه‌ردانی بیرۆی نوێنه‌رایه‌تی هه‌رێمی كوردستانی له‌تاران كرد و له‌وێش له‌لایه‌ن به‌رپرسی ینوێنه‌رایه‌تی و هه‌لسورێنه‌رانی ئۆفیسه‌كه‌وه‌ پێشوازیی لێكرا .

د په‌یڤه‌كێ ده‌ سه‌رۆك بارزانی ژبلی دیاركرنا شابوونا خوه‌ ل هه‌مبه‌ر ڤه‌كرنا نوونه‌راتی یا هه‌رێما كوردستانێ ل تارانێ، هه‌روه‌ها هێڤی خوه‌ست كو د كارێن خوه‌ ده‌ سه‌ركه‌تی به‌.

د هه‌مان ده‌مێ ده‌ داخوازا وێ یه‌كێ كر ب جانه‌كێ ته‌بایی و یه‌كرێزی نوونه‌راتی یا گه‌لێ خوه‌ بكن و هه‌ول بدن د ئاستا كارینێن خوه‌ ده‌ خزمه‌ته‌كه‌ باش ب خه‌لكێ كوردستانێ و دۆزا وێ بگه‌هینن و كار ژبۆ خورتكرنا بێترا تێكلیان دناڤبه‌را كوردستان و كۆمارا ئیسلامی یا ئێرانێ بكن.

نازم ده‌باغ به‌رپرسیارێ نوونه‌راتی یا هه‌رێما كوردستانێ ژبلی بخێرئانینا سه‌رۆك بارزانی و دیاركرنا شابوونا خوه‌ ل هه‌مبه‌ر سه‌ره‌دانا جه‌نابێ وان، سۆزدا ئه‌و ستافا نوونه‌راتی یا هه‌رێمێ ل تارانێ د ئاستا حه‌ز و داخوزی یێن گه‌لێ كوردستانێ ده‌ بن.