ئه‌مڕۆ ئازاد به‌رواری جێگری سه‌رۆکی حکومه‌تی هه‌رێمی کوردستان پێشوازی کرد له‌ شاندێکی به‌ریتانی که‌ پێکهاتبوو له‌به‌رێزان پیته‌ر بۆکسه‌ر جێگری باڵیۆزی به‌ریتانیا له‌عێراق و کریس باوه‌رس کونسولی گشتی به‌ریتانیا له‌ هه‌رێمی کوردستان.

له‌دیداره‌که‌دا هه‌ردوولا باسیان له‌دوا پێشهاته‌کانی عێراق و وڵاتانی ناوچه‌که‌ کرد. هه‌روه‌ها باس له‌ په‌یوه‌ندییه‌کانی نێوان هه‌رێمی کوردستان و به‌غدا له‌لایه‌ک و په‌یوه‌ندییه‌کانی نێوان هه‌رێمی کوردستان و به‌ریتانیا له‌لایه‌کی تر کرا و جه‌خت له‌سه‌ر گرینگی به‌رده‌وامبونی هه‌ماهه‌نگ و هاوکاری نێوان حکومه‌تی هه‌رێمی کوردستان و به‌ریتانیا کرایه‌وه‌.