نیوه‌رۆی ئه‌مرۆ 1192011 به‌رێز د. به‌رهه‌م ساڵح سه‌رۆکی حکومه‌تی هه‌رێمی کوردستان به‌ئاماده‌بونی سه‌رۆکی دیوانی سه‌رۆکایه‌تی هه‌رێمی کوردستان و ژماره‌یه‌ک له‌ وه‌زیره‌کانی حکومه‌تی هه‌رێم پێشوازیکرد له‌ د.مه‌عروف ئه‌لبه‌خیت سه‌رۆک وه‌زیرانی ئوردن و ژماره‌یه‌ک له‌ وه‌زیره‌کانی حکومه‌تی ئوردن و کۆمه‌ڵێک سه‌رمایه‌گوزار و وه‌به‌رهێنی ئوردنی.

بڕیاره‌ ئه‌مڕۆش مونته‌دای هاوبه‌شی ئابوری له‌هه‌ولێری پایته‌خت به‌رێوه‌بچێت و دواتریش سه‌رۆک وه‌زیرانی هه‌رێمی کوردستان و ئوردنیش کۆببنه‌وه‌ و چه‌ندین دیدارو کۆبونه‌وه‌ی تریش له‌نێوان هه‌ردولا سازبکرێت به‌مه‌به‌ستی پته‌وکردنی په‌یوه‌ندیه‌کانی نێوان ئوردن و هه‌رێمی کوردستان به‌تایبه‌ت له‌بواری ئابوری و وه‌به‌رهێنان.