جارێكی تر ده‌ستی ره‌شی تاوان و تیرۆر گه‌یشته‌ گیانی هاوڵاتیان و له‌دژی دام و ده‌زگاكانی مه‌ده‌نی به‌كار هێنرا، ئه‌مه‌ش له‌كاتێكدا كه‌ رۆژی سێ شه‌ممه‌ رێكه‌وتی 29/3/2011 ژماره‌یه‌ك تیرۆرست به‌چه‌ك و ته‌قه‌مه‌نی هێرشیان كرده‌ سه‌رباڵه‌خانه‌ی پارێزگای تكریت له‌سه‌لاحه‌دین و له‌ئه‌نجامدا ده‌یان كارمه‌ند و هاوڵاتی شه‌هیدوبرینداربوون كه‌له‌ناویاندا چه‌ند ئه‌ندامێكی ئه‌نجوومه‌نی پارێزگای تێدایه‌.

سه‌رۆكایه‌تی هه‌رێمی كوردستان له‌كاتێكدا به‌تووندی ئه‌و هێرش و په‌لاماردانه‌ ریسواو شه‌رمه‌زار ده‌كات له‌هه‌مان كاتدا پرسه‌و سه‌ره‌خۆشی ئاراسته‌ی كه‌س و كاری شه‌هیده‌كان ده‌كات و هیوای چاكبوونه‌وه‌ی به‌په‌له‌ش بۆ برینداره‌كان ده‌خوازێت، هه‌روه‌ها ئاماده‌یی دام و ده‌زگاكانی هه‌رێمی كوردستان راده‌گه‌یه‌نێت بۆ هه‌موو جۆره‌ هاوكاریه‌كی قوربانیانی ئه‌و رووداوه‌ .

ووته‌بێژێك به‌ناوی سه‌رۆكایه‌تی هه‌رێمی كوردستان
هه‌ولێر 30/3/2011