ئه‌مرۆ 9\\2\\2011 جارێكى تر تیرۆرستان و ناحه‌زانى دژ به‌ ئازادى و دیموكراتى وپێكه‌وه‌ ژیان به‌ ته‌قاندنه‌وه‌ى سىَ ئۆتومبێلى بۆمبرێژكراو له‌كه‌ركوك ده‌یان هاوڵاتى ئه‌وشاره‌یان له‌كوردو توركمان و عه‌ره‌ب و مه‌سیحیان كرده‌ قوربانى به‌وه‌ش جارێكى تر تیرۆرستان و دوژمنانى ئه‌م شاره‌ ڕوى ره‌ش و قین له‌ دڵى خۆیان بۆ كه‌ركوك و كه‌ركوكیه‌كان نیشاندایه‌وه‌.

بۆیه‌ به‌م بۆنه‌ خه‌م ناكه‌وه‌ به‌ناوى ئه‌نجومه‌نى وه‌زیرانى هه‌رێمى كوردستانه‌وه‌ پرسه‌و سه‌ره‌خۆشى خۆمان ئاراسته‌ى كه‌سوكارى قوربانییه‌كانى ئه‌و ته‌قینه‌وانه‌ ده‌كه‌ین و له‌خواى گه‌وره‌داواكارین به‌ به‌هه‌شتى به‌رینیان شادبكات هیواى هه‌رچى زوو چاكبونه‌وه‌ش بۆ برینداره‌كان ده‌خوازین. له‌هه‌مانكاتدا وه‌ك حكومه‌تى هه‌رێمى كوردستان به‌توندى ئه‌م كرده‌وه‌و پیلانه‌ تیرۆرستییه‌ى دوژمنان و تیرۆرستان مه‌حكوم و ئیدانه‌ ده‌كه‌ین داواكارین پاراستنى یه‌ك ریزى و ته‌بایى و پێكه‌وه‌ ژیانى نه‌ته‌وه‌و پێكهاته‌كانى ئه‌م شاره‌ باشترین وه‌ڵام دانه‌وه‌ى ناحه‌زان و تیرۆرستان بێت داواش له‌ لایه‌نه‌ ئه‌منى و په‌یوه‌ندیداره‌كانى كه‌ركوك ده‌كه‌ین ته‌واوى هه‌وڵ وتواناى خۆیان بخه‌نه‌گه‌ر بۆ دۆزینه‌وه‌ى پیلان دارێژه‌ران و ئه‌وباندو گروپه‌ تیرۆرستیانه‌ى له‌پشت ئه‌نجامدانى ئه‌و كرده‌وه‌ تیرۆرستیانه‌وه‌ بون راشیده‌گه‌یه‌نین ده‌رگاى دامه‌زراوه‌ ته‌ندروستى و نه‌خۆشخانه‌كانى هه‌رێمى كوردستانیش ئاواڵایه‌ بۆ به‌هاناوه‌چون و چاره‌سه‌ركردنى برینداره‌كانى ئه‌وكرده‌وه‌ تیرۆرستیانه‌و پاراستنى ژیانیان .

　
د.به‌رهه‌م ساڵح
سه‌رۆكى حكومه‌تى هه‌رێمى كوردستان