سه‌رۆكی هه‌رێمی كوردستان، ته‌قینه‌وه تیرۆریستیه‌كه‌ی شاری چاربه‌هاری كۆماری ئیسلامی ئێرانی مه‌حكووم كرد. ئه‌مەی خوارەوە‌ ده‌قه‌كه‌یه‌تى:

به‌داخه‌وه‌ هه‌واڵی ئه‌و كرده‌وه‌ تیرۆریستیه‌مان پێ گه‌یشت كه‌ رۆژی چوار شه‌ممه‌ 15/12/2010‌ له‌ شاری چاربه‌هاری كۆماری ئیسلامی ئێران به‌رامبه‌ر كۆمه‌ڵێك خه‌ڵكی به‌شداربووی مه‌راسیمی عاشورا كراو به‌ هۆیه‌وه‌ ژماره‌یه‌ك هاوڵاتی شه‌هیدو بریندار بوون.

ئێمه‌ وێڕای به‌ توندی مه‌حكوومكردن و ریسواكردنی ئه‌م كرده‌وه‌ نامرۆڤانه‌، هاوكات هاوخه‌می خۆمان بۆ خانه‌واده‌و كه‌س و كاری شه‌هیدو برینداره‌كانی ئه‌م ته‌قینه‌وه‌یه‌ راده‌گه‌یه‌نین و پرسه‌و سه‌ره‌خۆشی خۆمان له‌ كه‌سوكاری شه‌هیده‌كان ده‌كه‌ین و له‌ یه‌زدانی په‌روه‌ردگار ده‌پاڕێینه‌وه‌ به‌ به‌هه‌شت شادیان بكات وهه‌رچی زووه‌ شیفاو سه‌لامه‌تی به‌ برینداره‌كان ببه‌خشێ.

مسعود بارزانی
سه‌رۆكی هه‌رێمی كوردستان
16/12/2010