کورد سەپانێ بابێ کەسێ نینن ( ئەڤە گوتنا بارزانیێ نەمرە ێی کۆ ل ١٦ ئاب ١٩٤٦ مەزنترین پارت دامەزراندنی ل کوردستانێ و سەرانسەری عێراقێ د سەردەمێ نوکەدا , ل وی سەردەمی جیھانێ پیلان دگێران بو ژناڤبرنا کیان و زمان و چاندا کوردی و کوردستانی ل ھەرچار پارچێن کوردستانێ تایبەت ل رۆژھەڵات و باشورێ کوردستانێ پشتی ژناڤبرنا مەملەکەتا حەفیدی ل سلێمانیێ و کەتنا کۆمارا مھاباد ,بارزانیێ نەمر ھیڤیێت دۆژمنێت گەلێ کورد ژناڤبرن و پارتی دیموکراتی کوردستان دامەزراند و دارا ئازادیێ چاند وئەڤرۆ بەرھەمێ وێ ل باشورێ کوردستانێ دیارە و کورد ب کیانەکێ سیاسی و دانپێدانکری ژلایێ دەستورێ عێراقێ و نەتەوێن ئێگرتی دا خوە برێڤە دبەن,

بارزانیێ نەمر ب پلە و پوستێن حکومەتا عێراقێ یێن ئێک ل دیڤ ئێک سەردا نە چوو خوە و ئارمانجا خوە ژبیرنەکر و بەردەوامی دا شورەش و خەباتێن خوە ل دژی داگیرکەرێن کوردستانێ و نەھێلا خوینا شەھیدان ب ھەروە بچیتن چونکی بارزانیێ نە مر خەون و ئارمانجێن مللەتێن خوە لسەر بنیاتەکێ راست و بھێز ئاڤاکربون

,

بوچی بارزانیێ نەمڕ د دلێ ھەر کەسەکێ ئازادیخوازدا مەزنە؟؟



بارزانیێ نەمر ب دیتن و سیاسەت و ئارمانجێن خوە باش تێگەھشت بو ئەڤ مللەتێ بندەست پێتڤیە بەرخوەدانێ بکەتن و سەری بو دۆژمنان شورنەکەتن و نابیت کورد ببن سەپانێ دۆژمنان لەوما تنێ کار و خەبات دکڕ بو ئازادیا مللەتێ خوە و رزگارکرنا ئاخا کوردستانێ ب راستگوی و دادپەروەریا کومەلایەتی و سیاسی یا باڕزانیێ نەمر ب سەدان و ھزاران گەنج بەشداربون د شورەش و خەبات و قوربانی دانێ دا ل ژێر رێبازا بارزانیێ نەمربێ ھیچ پلە و پوست و سوزێن مادی بدەتن ھیچ بەشداربویەکی چ دوی سەردەمی دا یان دەمێ سەرکەفتنا شورەشێ دا خەلکی ب باوەری جانێ خوە فیدایێ کوردستانێ دکر,

,,

ئەی سەرکردە و کادرو ئەندام و لایەنگرێن دلسوز بلا یێدی ١٦ ئاب وەک روتینەک و بیرەوەریەکا سادە دەرباز نەبیتن وەرن دەستی خو بدانین سەر وژدانا خوە و دەست ژ مادیاتان بەردەین و پلە و پوست بلا بو خزمەتکرنێ بن نە ژبو پلە بلندکرنێ و خوشگوزەرانیا کەسوکی بن ,, دڤێت ژبیرنەکەین )الجزا من جنس العمل, کماتدین تدان (, ) تو چ ب چینی دێ وی ھەلینی ( ئەڤ گوتنە ژ ڤالاتیەکێ نە ھاتینە و ھەردەما ئەم خو درست نەکەین دێ باجا وان خەلەتیا دەین ئەم وەک پارتی ب تایبەتی و ھەرێماکوردستانێ ب گشتی چونکی پارتی بربرا پشتا کوردایە و کورد ژ بارزانیێ نەمر فێری کوردینیێ بون ب گوتنا )ئوسمان ئۆجالان(ی برایێ رێبەرێ گرتی یێ پەکەکێ ل ئیمرالی.

پیرۆزە ١٦ ئاب ل ھەمی کورد و کوردستانیان و ھەمی گەلێن ئاشتیخواز ل جیھانێ , ھزار سلاڤ بو گیانێ پاکێ شەھیدێن رێیا بزاڤا ڕزگاریخوازا مللەتێ کورد و سەروەرێ وان بارزانیێ نەمر و ئیدریسێ ھەردەم ساخ. .